Bransjemøtet vil handle om dei felles tryggingsmetodane (CSM-ene) og den kommande revisjonen av dei. CSM-ene er forordningar under tryggingsdirektivet, og dei er gjennomførte som norske forskrifter. Det europeiske jernbanebyrået (ERA) har evaluert CSM-ene som eit forarbeid til ei kommande revidering.
CSM-ene gjeld for alle jernbaneverksemder som opererer på jernbanenettet. Dei regulerer mellom anna krav til risikovurderingane, tryggingsstyringssystemet og kontrollen for jernbaneverksemdene av dette systemet.
Bransjemøtet
- Stad: Konferansesenteret Salongen, møterommet Kristiania, C.J. Hambros plass 2d
- Dato: 1. september 2025
- Tid: Klokka 9 til 11.
Påmelding
Det er plass til 60 deltakarar. Førstemann til mølla gjeld.
Det vil òg bli mogleg å delta på Teams via denne lenkja. 
Det blir kaffi og enkel bevertning.
Temaa i møtet
- dagens regelverksstruktur og ERAs evaluering av dei felles tryggingsmetodane
- innspel frå jernbaneverksemdene om erfaringar med CSM-ene
- kva som er bra, kva som er vanskeleg, kva som kan forbetrast, kva som kan forenklast
- vidare arbeid i EU og i Noreg